Тұрақты даму

«Қазатомөнеркәсіп» ҰАК» АҚ – Қазақстанның әлеуметтік бағыты айқын ірі компаниясы. Басты құндылығы – адамдар мен олардың амандығы.

Тұрақты дамуға қажетті құрамдас бөліктері: экономикалық жетістіктер, жоғары өлшемдегі әлеуметтік және экологиялық жауапкершілік. Компанияның тұрақты даму аясындағы тұжырымдамасы  Қазақстан Республикасының заңнамасына, Компания Жарғысына, «Қазатомөнеркәсіп» ҰАК» АҚ-ның 2016-2025 жылдарға арналған Даму стратегиясына, сондай-ақ өзге де ішкі құжаттарға сәйкес әзірленген. Қоғамның әлеуметтік жауапты компания ретіндегі ұстанымын нығайту және Қоғамның орта мерзімдегі болашақта әлеуметтік-экономикалық даму міндеттерін орындау мақсатында «Қазатомөнеркәсіп» ҰАК» АҚ-тың  2017-2019 жылдарға арналған Корпоративтік әлеуметтік жауапкершілік саласындағы Тұрақты даму бағдарламасы әзірленіп, бекітілді.

Компания құрылған кезінен бастап әлеуметтік-экономикалық, инфрақұрылымды дамыту, өз қызметкерлерінің, және сонымен қоса уран өндіретін аймақтың тұрғындарының өмір сапасы мен әл-ауқат деңгейін жоғарылату бойынша өзіне міндеттемелер алды.

Компанияның әлеуметтік қызметінің басым бағыттары - әлеуметтік бағдарламаларды, білім мен ғылым, денсаулық сақтау мен мәдениетті қолдау, саламатты өмір салтын насихаттау, қызметкерлердің кәсіби деңгейін жоғарылату және еңбек жағдайын жақсарту, өндірісте еңбекті қорғау мен қауіпсіздікті қамтамасыз ету, қоршаған ортаны сақтауды жүзеге асыру.

Компания қаражатына емханалар, мектептер, балабақшалар, спорттық клубтар, автомобиль көпірі, ойын-сауық орталығы және өзге де әлеуметтік нысандар салынған және жөндеуден өткен.

Пікір қалдыру